PUITLINNA
(Thuf. 7:1-5; II Tim. 4:1-5)
Kum 21-a upa nih hmaa hriat ngei turte.
Mihringin tihdan phunga a neih tawh chu a nghet hle tawh \hin. Kum 21 hnu lamah chuan a thlah tawh mang mang lovang. Chuvangin, tleirawl nih laia chi kan tuh apiang chu kan la seng ngei ngei dawn. Hengte hi ngun takin chhiar la, vawng tlat ang che :
Thiltha reng reng chuan hun a duh a, dawhthei taka nghah a ngai a, rim taka thawh a ngai.
Engmah hi ‘tih’ a tel loh chuan ‘neih’ mai theih a ni ngai lo.
Rinawm leh rintlak nih pawimawh zia.
Midang te thurawn lakloh pawizia.
Bible belhfak tlak zia leh a thuchhah ropui zia.
Hun hlut zia leh midangte rawngbawlsak hlutzia.
‘Ka chhandamtu leh ka thian’ nih Isua’n a chak zia.
HRIATNA HUANG
Khawvel a ramngaw te hi tih chereu mek zel an ni a.Kum khatah 90,000 sq.km bawr khawvel pumah ramngaw hi suat \hin a ni.
Rangkachak hi thir sa khat zinga hriat lar ber ani.19.29/cubic centimetre-ah hian Osmium, Platinum, Plutonium te aiin a zang zawk a ni.
Europe khawpui tam zawkah leh USA khawpui lian \henkhat ah te chuan tuichhe luankawng (Sewer Tours) siam a ni a.Heng Sewer Tours hi an hmang tangkai em em a.Zin mite pawhin he hmun hi an tlawh nasa em em a ni.
D. Buanga & Sons
Authorised Distributor: Bilt, Corporate Stationery & Writex
Authorised Dealer:
Kores, Creative Telecom’s,
USHA Electronics (EPABX) System, Finnesse.
Office leh school stationery chi hrang hrang tlawm takin kan zuar a, bazar i chhuah kher ngai lovin in lamah pawh kan hawn sak thei che.
Ph: 2322795
|
|
KERUKMA
Marka 1: 14-15
- C. Lalrelkima, B.A., B.D.
Kolasib Hmar Veng.
Fai taka kan awm theih nan leh hriselna tha takte kan neih theih nan kan thawmhnawte leh kan taksa te kan sufaiin kan tifai thin a. Chutiang chiah chuan kan thlarau nun atana faina leh thianghlimna mihringte hian kan mamawh a ni. Kan bawlhlawhnate nen hi chuan Vanramah kan lut tawp dawn si lova. Chuvangin, kan hriat \heuh angin mihringte hi misual vek kan ni a, chumi avang vek chuan simna hi kan mamawh tlat bawk.
Simna thu pawimawhzia hlam chhiah tute chuan kan Lalpa Isua thusawi hi kan en chian fo a tul ang. Kan changthlan hi kan en chuan Baptistu Johana tanina tantir a nih hnuah, Lal Isua chu Galili ramah, Baptisma a channa leh thlema a awmna hmun atanga hla tak maiah a kir ta daih a. A tihtur ber chu Pathian chanchin\ha hril a ni. Simna hi hringnuna thil pawimawh ber a nih thu sawi zelin, mite chu sim thuai turin a kova, keini pawh vawiin thleng hian min la ko ve a ni.
Simna Awmzia:
Thuthlung hluia Hebrai thumal nakham tih awmzia chu rilru thlak tihna a ni a, hei aia sim tih awmzia la phawk fuh zawk leh hman pawh an hman lar zawk chu shub (shuv tia lam tur) tih a ni. Chu chuan inlet thawka, hawikira, ke lo pen tawhna chhui let leh a kawk thung. Thuthlung tharah chuan Greek tawng metanoia tih hman a ni ve thung a. A awmze pui ber chu rilru emaw ngaihtuah dan thlak tiin a sawi theih.
Tichuan, simna emaw sim emaw awmzia chu sual lak ata hawikir emaw kawng dik zawh tura kawng lo zawh tawh chu chhui kira, Isua zirtirna leh Pathian duhdana kal zel hi
|
a ni a tih thei awm e.
Simna chu Engvangin ?
Kan sawi tawh angin mihring tute pawh mai hi Pathian mitah chuan misual vek kan ni. Rom 3:23 a kan hmuh angin "mi zawng zawngin thil an tisual tawh vek a, Pathian ropuina an chang zo ta lo a ni", chuvangin mihring sual hian Pathian ram a lut dawn lo. Simna kan mamawh a ni. I inen chiang \heuh ang u. Kan nunah hian simna tak tak a awm em ?
Engtinge kan Sim ang ?
Hetiang hian point hrang hrangin sawi ta ila :
1) Kan rilru puthmang thlakin: Rilru puthmang thlak han tih hian misual in Pathian lakah leh Isua Krista rilru putdan thar hlak a nei tur a ni tihna a ni ber a ni.
2) Kan nun thiltum thlakin: Heta nun thiltum thlak hian chhia leh \ha thliar theihna fel tak kan neih hi a khawih tel ngei a \ul \hin.
3) Kan nundan thlakin: Zakaia chanchin kha kan en chuan, Zakaia khan a nun a thlak chiang a ni. Sual te takte nia lang kan ngaihthah chuan hremhmunah min hnuk liam ngei ang.
Chuvangin, kan sualte hi i sim ang u. Ngun takin inbihchiang ila, kan nun i thlirlet fo ang u.
|
THALAITE HNENA THURAWN
I ngaihtuahna nawt fai la, i thawmhnaw su fai rawh.
I eng chu lo engchhuak sela, i pheikhawk pawh tlechhuak rawh se.
I hun tha leh remchanna leh i kekawr nawt mar \ha rawh.
I thuaka maimawm zam hrufai la, i kawr nghawnga luphut kha thing fai rawh.
Tuna i neihah hian lungawi fo la, i nihah erawh ni lovin.
Nawmna rei lo tein chatuan thil ropui tak chu thleng phal lovang che.
|
DAITHEUTU
Mi pakhat hian Pastor hnenah "Pastor, Eng nge Kohhran hi kan harh hleih theih lohna chhan ber ni a i hriat" a ti a.
Pastor chuan, "Kohhan kan harh theih lohna chhan bulpui ber chu Kohhranah rawngbawltu, Pathian pawh tak tak mang lova rawngbawl kan tam lutuk te, an rawngbawlna dah \haa khawvel mite tih ang ti ve thei z>l mai an tam lutuk vangte hi niin a lang. Thusawi lamah chuan mi aia sawi ril thei thei an ni leh lawi si. Kan ram leh Kohhran hian thusawi ropui ai chuan nun ropui kan mamawh daih zawk," a ti a.
|
|
